بروشيتا

خبز فرنسي (باغيت) أو توست ندهنه بزيت الزيتون

نحمره بالمقله 

نمسح عليه بنص حبة ثوم

نحط عليه طمام مجفف وجبن بارميزان وبيزيل و اوريغانو 

ونحمره بالفرن

البيض بقالب الكب الكيك

بيض بالخضار، اومليت، عجه، بيض عيون أو بالجبن بس حطوه بقالب الكب الكيك ودخلوه الفرن

يمي يمي

كيش

نحتاج لعجينة التارت

نفرد العجينه بالصينيه ونحمرها بالفرن
الحشوه عباره عن بيض وجبن موزاريلا وشيدر وشوية كريمه، زيتون

نعناع وبقدونس وبصل أخضر

ملح وفلفل

نضع الخليط فوق عجينة التارت وندخله الفرن

عجينة التارت

خبز بالزيتون

هذا الخبز حلو ينحط مع المقبلات وتقدمونه مع زيت زيتون بالاوريغانو او البيستو بالريحان


المقادير
١ و١/٢ ملعقة صغيره خميره
كوب ونص ماي دافي
٤ اكواب طحين
ملعقة صغيره ملح خشن
ثلث كوب زيت زيتون
كوب زيتون مقطع ( زيتون اخضر واسود )و


الطريقه
نذوب الخميره بالماي الدافي ونخليه لمدة عشر دقايق
نخلط زيت الزيتون والملح مع الطحين ونضيف الماي مع الخميره ونعجن لحد ما يصير عندنا عجينه لزجه نوعا ما
في وعاء مدهون بزيت الزيتون نحط العجينه وندها بشوية زيت زيتون ونتركها ترتاح لمدة ساعه ونص
بعد ما ترتاح العجينه نعجنها مع الزيتون ونفردها بصينيه مدهونه ونغطينها ونتركها ترتاح لمدة نص ساعه
نرش شوية ملح خشن وزعتر ناشف وزيت زيتون ونظغط عليها باطراف الاصابع
ندخلها الفرن الى ان تتحمر

وبالعافيه

عجينة باللبن

العجينه باللبن او يسمونها بتر ميلك بسكويت وهي عجينه مشهوره بامريكا بس اهما يستخدمون شحم الخنزير بمكوناتها يعني ديرو بالكم اذا سافرتو لا تاكلون بترميلك بسكويت ،، هاذي العجينه ممكن تقدم باكثر من طريقه ،، ممكن تستخدم للحلو او للموالح كمقبلات وحلوه للتقديم لانها هشه من بره وترفه من داخل ،، ممكن تتستخدم كسندوتشات صغيره وتحشونها باللبنه والزعتر او مسحب الدجاج او كعجينه للسينابون ،،،، وراح احط لكم انشالله جم وصفه للعجينه هاذي
العجينه سهلة وما تاخذ اكثر من نص ساعه في اعدادها

مقادير العجينه
كوبين طحين
اربع ملاعق صغار بيكنغ بودر
ربع ملعقه صغيره بيكنغ صودا
ملعقه صغيره شكر
ملعقه صغيره ملح
اربع ملاعق كبيره زبده ،، بارده ومقطعه مكعبات صغيره
كوب لبن خاثر

الطريقه
في باديه حطي الطحين والبيكنغ بودر والبيكنغ صودا والملح والزبده وخلطيها باطراف اصابيعج الى ما تصير مثل فتات الخبز
ضيفي اللبن وخلطيها بالملعقه وبعدين شوي شوي عجنيها بايدج بس لا تعجينها وايد ليما تتماسك بس وراح تكون شوي لزجة
رشي شوية طحين وفردي العجينه بس خليها شوي سميكه وبعدين استخدمي قطاعه مدوره وقطيعها
صفي العجين بالصينيه ،، دهنيها بصفار البيض ( اختياري)و
ودخليها بالفرن

ممكن تقدم مع ميني بيرغر

او كقوالب وحشوه من اللحم المفروم والجبن

بوب كورن بالكاراميل

المقادير
نفيش
٣ اكواب سكر
كوب ماي
٣ ملاعق كبار زبده
ملعقه صغيره ملح
ملعقة كبيره ونص بيكنغ صودا

الطريقه
حطي النفيش في باديه كبيره مدهونه عشان بس لا يلصق الكاراميل ،، والملعقه اللي راح تخلطين فيها النفيش دهنيها
حطي السكر والماي والزبده والملح في جدر وحركيه شوي وخليه عالنار
راقبي الجدر ،، مو تخلينه لانه بسرعه راح يحمر ،، اول ما يحمر طفي الجوله وحطي البينكغ صودا
ولا تخافين لانه راح يفور بس خليج منتبه وبسرعه صبيه فوق النفيش وخلطيه بسرعه بالملعقه المدهونه

اختياري ممكن اضافة ملعقه صغيره فانيلا

طبعا حلو حق اليهال بالعيد الميلاد والكشتات ،، واذا بطالعون فيلم في البيت