كرمب كيك بالتوت (Blueberry Crumb Cake)
هذي الكيكه اكلت منها بالمانيا تلقونها بالمخابز والجمعيات وحتى بالمستشفى يحطونها ويا وجبة المريض،، بحثت عنها بالنت لقيت انها طبق الماني تقليدي ،، جربوها
المقادير
كوب ونص طحين منخول
اصبع زبده
نص كوب سكر
رشة ملح
الحشوه
كوب توت ( فريش او مثلج )
نص كوب سكر
ملعقتين عصير ليمون
رشة ملح ودارسين (قرفه )و
الطريقه
نخلط الطحين مع الزبده والسكر والملح الى ان يصير عندنا مثل فتات الخبز ،، نشيل ٣/٤ كوب منه ونخليه على جنب
نخلط مقادير الحشوه ونخليها ١٠ دقايق
نرص خليط العجينه في صينيه تقريبا بارتفاع ١/٢ سم ونحط خليط التوت
نحط الصينيه بالفرن الساخن لمدة ١٠ دقايق او تتحمر اطراف الكيكه
نطلع الصينيه ونحط باجي العجينه ،، ننثرها فوق التوت بحيث يكون شكلها مثل فتات الخبز
ندخلها الفرن الى ان تتحمر ونقدمها مع الايس كريم وفنجان قهوه
ممكن نستبدل التوت بالتفاح او الاناناس او الكاسترد
بالعافيه
ليست هناك تعليقات:
إرسال تعليق